جئری نيوز (Jery News)

Dr.Jery

   Bilmirəm indiyədək dombalan yemişsiniz ya yox?!..Yeməsəniz əlinizdən gedib qarnınıza borclusunuz!.. Dombalan çox yeməli, gözəl qoxulu göbələk çeşididir. Keçən həftə yoldaşlarla dombalan çıxartmağa getdik ancaq hər ilki yerləri nə qədər çox axtardıqsa o qədər az tapa bildik, elə bil dombalançılar dibinə daş atmışdılar. Axşam başı arğın- yorğun, toz-torpaq içındə evə qayıtdıqda küçədə professor Nəsrəddinlə qarşılaşdıq. Əlimizədəki bel- qazmaya baxa- baxa maraqla soruşdu:

- Xeyr ola yoldaşlar!.. hardan gəlirsiz?!.. fəhləliyə getmişdiz?!...

Qaş- qabaqla:

- yooo... dombalan çıxartmağa getmişdik!- dedim.

- Mənim payım yadan çıxmasın!..

Əlimdəki torbaya baxdı. Gözlərinin içi gülüdü:

Pərt oldum:

- Nə payı!.. səhərdən axşama üç- dörd adama bir kilo dombalan çıxartmamışıq.. olmasa onuda verək sənə?!..

professor özünü sındırmadan:

- Üç- dörd adama bir kilo dombalan çıxartmışsız?.. bəyəm siz haraya getmişdiz?..- deyə soruşdu.

- Çimənlərə.

- Çimənlərə?!!..siz qulağızın dibindəki dombalanlığı ötürüb o uzaqlıqdaki çimənlərə getəmişsiz?!!..

Çaşırdım:  

- Qulağımızın dibindəki dombalanlıq?!!

Professor yenə gözlərini əlimdəki torbaya tikdi. Torbanın ağzını açıb qabağına tutdum:

- qulağımızın dibindəki dombalanlıq hayandadır professor?

Əlini turbaya soxub iki dənə, yurmurta yekəliyində dombalan çıxardıb cibinə yerləşədirərək bic- bic güldü:

- Cümə günü musəllaya  baş vurun!!..