گولمه جه لر پنجره سيندن
گولمه جه لر پنجره سيندن
يازان : دوكتور جئري
شاهنامه و سئچكي لر
بیر میللت وکیلی نین اوغلو ، آتاسینا دئییر:
- " آتا ! منده سیزین کیمی میللت وکیلی اولماق ایسته ییرم سيزجه نه ائتمه لی یم؟"
آتا گولومسه يرك دئيير :
-" اوغلوم ! سياست دونياسي يالان ، فيريلداق دونياسي دير . بونا گؤره يالان-پالان دانيشماق اؤيرنملي سن . بو اوزدن سنه سيفاريش ائديريم شاهنامه يي فيردوسي بير كره اوخويوب اؤيره نه سن ".
اوغول بئش- اون گون سونرا سئوينجك آتاسي نين يانينا گليب دئيير :
-" آتا ! شاهنامه ني بير كره يئرينه اون كره اوخودوم . سيزجه ايره لي ده كي مجليس سئچكي لرينده آداي اولا بيله رم مي؟ ".
آتا اليني اوغولونون چيگنيه قويوب دئيير:
-" يوخ اوغلوم ! سنه شاهنامه بير كره اوخو دئميشديم . اون كره اوخوياندان ياخشي رئيس جمهور چيخار. بونا گؤره بير ايكي ايل دوزمه لي سن".
هخامنشي كتيبه سي
بیرميللت وكيلي تبليغات آپاريردي:
- " بيلديگينيز كيمي ، گئجه گوندوزلو چاليشمالاريم سونوجوندا ، كندينيز شهر اولدو . شهرينيزه گؤزل آد سئچيلدي؛ كوچه خيابانلارينيزا بؤيوكلرين آدي وئريلدي؛ تئلفونلارينيزين اؤن نومره سي قيسالدي؛ شهرين خسته خاناسي نين كولونگو يئره وورولدو.....".
ميللت وكيلي نفسيني دريب يئنه ائكله يير:
ـ حؤرمتلي وطنداشلار ! من بورادا سيزه سؤز وئريرم . بو كز ده لوطفونوز شاميلي حال بنده اولوب مني يئنه اؤز گؤزل شهرينيزه وكيل سئچسه نيز، شهرين گيريشينده كي داغ اوزه رينده بير دنه هخامنيشي كتيبه سي قازديرديب توريست لرينده آياغيني بورايا آچام...."
رضاشاه و ايت
بير گون ، رضا شاه كندلرين بيرينده گئچنده سورجوسو بير تويوق باسير. رضا شاه سورجويه :
-" دايان گئديم تويوق يييه سيندن عؤذور ديله ييم "- دئييب كندلي نين ائوينه گئدير . او، آز سونرا باش گؤزو تيليت قان ايچينده قاچا-قاچا گليب ماشينا آتلاناراق : - " تئز اول چيخ آرادان "- دئيه قيشقيرير.
سورجو چاش-باش سوروشور:
- " قوربان بو نه حالدي؟"
رضاشاه اينگيلده يير :
-" هئچ! كندلي يه، من رضاشاهام تويوغونوزو باسديم دئيينجه ال- آغاجا يومولدو اوستومه " .
سوروجو ماشيني تلسيك سوردوگوندن بو كز بير ايت باسير. او ، رضاشاها -" قوربان سيز بورادا اولون من اؤزوم گئديب ايت يييه سيندن عؤذور ديله رم "- دئيير.
سوروجو گئديب ياريم ساعات سونرا بير سبد يئر- يئميشله گوله - گوله گئري دؤنور. رضاشاه شاشقينليقلا :
-" نه اولدو؟ بو يئر - يئميش ندير؟- دئيه سوروشور.
سورجو دئيير:
ـ " قوربان بيلميرم ؛ كنديلي يه دئديم من رضاشاهين سورجوسويم ايت اؤلدو . اودا بونلاري منه وئردي. "
آريايي بئيني
بيرينه بئيين جالاغي (پيوند) وراجاق ايديلار . دوكتور بئينلري خسته گؤستريب قيمت لردن دانيشير:
ـ آمريكالي بئيني ۱۰۰۰ دولار ، آوروپالي بئيني ۱۵۰۰ دولار ، آسيالي بئيني ۲۰۰۰ دولار و سونوندا آريايي بئيني ۱۰۰۰۰ دولار ".
خسته شاشقينليقلا سوروشور :
- "دوكتور بئي ، آريايي بئيني ندن بو قدر باهالي؟"
دوكتور گولومسه يرك : " او بيري لر ايشلنميشديلر آنجاق آريايي بئيينلري آكبند دير "- دئيير.
بختور شاعير
فيردوسي شاعيرلرين ان بختوري دير. باشقا شاعيرلرين شئعيرلريني اوغورلاييرلار آنجاق فيردوسي نين آدينا شئعير قوشوب باسيرلار شاهنامه نين ايچينه....
دوزگون قادين
فردوسي شاهنامه سينده قادين لارين اگري وكؤتو اولمالارينا حؤكم وئريب. بيز بوردا بير ميثال نقض گتيرمكله اونون حؤكمونه قيرميزي چارپاز چكيريك.
قيزدان اوغلان يولداشينا مئساژ گلير:
-" گئجه ائوده كيمسه يوخ گل بيزه ".
اوغلان گئجه بير قوطو شيرني ايله قيزگيله گئدير. نه قدر قاپيني دؤيور كيمسه آچمير.
باياتاسؤزلر
|
بایاتاسؤزلر دوكتور جئري
مئشه چاققال سیز اولماز بازار باققال سیز اولماز هره بیر قیل وئرسه کوسا ساققال سیز اولماز
ائششگی پالان ساخلار اوردونو تالان ساخلار اوشاق کیمی آلدانما دؤولتي يالان ساخلار
كهليگي داغدا گزه ر سوناسي گؤلده اوز ه ر بئله كي آغا چئزير بونا هئچ تومان دؤز ه ر؟
سیرا گليب چاتاجاق اوخ کاماندان قاچاجاق قوجاليقدا آت مينن قيامتده چاپاجاق
بیر الی یاغدا اولار بیر الی بالدا اولار قارغایلا دوست اولانین دیمدیگی پوخدا اولار
ال اوستونده ال اولار داما داما سئل اولار يئتيم داغا چيخاندا قار اولماسا يئل اولار
آستر اولسا اوست اولماز ایت دریسی پوست اولماز دده قورقود سؤزو دور اسكي دوشمان دوست اولماز
يئيه نيم ، مرنده گل خويا گل، مرنده گل خسته لنديم گلمه دين ماليمي بؤلنده گل
زامانا آی زامانا ! دلی می سن یا قانا؟ قور- قودوق سمند مینیر توسون حسرت پئیکانا
آريانالار بیر دین گلدی فر فری کیتابی دری وری پاسارگاد قیبله سی دير کسروی پئغمبری
|
