جئری نيوز (Jery News)

سو باشيندا دورموشوق، 

  چينارلا من. 

  سودا صورتيميز چيخير، 

  چينارلا منيم. 

  سويون شؤوقو وورو بيزه، 

  چينارلا منه.  

  سو باشيندا دورموشوق، 

  چينارلا من، بير ده پيشيك. 

  سودا صورتيميز چيخير، 

  چينارلا منيم، بير ده پيشيگين. 

  سويون شؤوقو وورور بيزه، 

  چينارلا منه، بير ده پيشيگه.  

  سو باشيندا دورموشوق، 

  چينار، من، پيشيك، بير ده گونش. 

  سودا صورتيميز چيخير، 

  چينارين، منيم، پيشيگين، بير ده گونشين. 

  سويون شؤوقو وورور بيزه، 

  چينارا، منه، پيشيگه، بير ده گونشه.  

  سو باشيندا دورموشوق، 

  چينار، من، پيشيك، گونش، بير ده عؤمروموز. 

  سودا صورتيميز چيخير، 

  چينارين، منيم، پيشيگين، گونشين، بير ده عؤمروموزون. 

  سويون شؤوقو وورور بيزه، 

  چينارا، منه، پيشيگه، گونشه، بير ده عؤمروموزه.  

  سو باشيندا دورموشوق. 

  اؤنجه پيشيك گئده جک، 

  يوخ اولاجاق سودا صورتي. 

  سونرا من گئده جگم، 

  يوخ اولاجاق سودا صورتيم. 

  سونرا چينار گئده جک، 

  يوخ اولاجاق سودا صورتي. 

  سونرا سو گئده جک 

  گونش قالاجاق؛ 

  سونرا او دا گئده جک...  

  سو باشيندا دورموشوق. 

  سو سرين، 

  چينار اولو، 

  من شئعير يازيرام. 

  پيشيك اويخولايير 

  گونش سيجاق. 

  چوخ شوکور ياشيريق. 

  سويون شؤوقو وورور بيزه 

  چينارا منه، پيشيگه، گونشه، بير ده عؤمروموزه...  

ناظیم حیکمت اوف 

                                                    دوكتور جئري

آدام اولسایدی...

بيري يوخسا، بيري اولسايدي. پيشيك آدام اولسايدي؛ سيچان آدام اولسايدي؛ قورباغا آدام اولسايدي؛ ايت آدام اولسايدي؛  آت آدام اولسايدي؛ ائششك آدام اولسايدي؛  قويون آدام اولسايدي؛ گئچي آدام اولسايدي؛  اينك آدام اولسايدي؛ اؤكوز آدام اولسايدي؛گاميش آدام اولسايدي؛ دانا آدام اولسايدي؛  دوه آدام اولسايدي؛  دله آدام اولسايدي؛  دووشان آدام اولسايدي؛ دونقوز آدام اولسايدي؛ كيرپي آدام اولسايدي؛ كرتنكله آدام اولسايدي؛  تولكو آدام اولسايدي؛  چاققال آدام اولسايدي؛آيي آدام اولسايدي؛ كافتار آدام اولسايدي؛آسلان آدام اولسايدي؛ قاپلان آدام اولسايدي؛   بارسلان آدام اولسايدي؛   ييغان آدام اولسايدي؛ پيچي آدام اولسايدي؛  بؤجك آدام اولسايدي؛ ايلان آدام اولسايدي؛ چايان آدام اولسايدي؛ لاچين آدام اولسايدي؛ قيرقي آدام اولسايدي؛ قجير آدام اولسايدي؛  بايقوش آدام اولسايدي؛ باليق آدام اولسايدي؛  ناققا آدام اولسايدي؛  دايناسور آدام اولسايدي؛ آدام ، آدام اولسايدي. آدام ياراتيقلارين اوستونو اولاجاق ايدي. آداملارين ايچينده كي حئيونلاري اوولاماغا ، اووچو گره ك اولماياجاق ايدي. حئيوانلاري ساوونان درنكلره گره ك اولماياجاق ايدي. ساواش سونرا باريش اولماياجاق ايدي ...