اوستاد تام جهانگيروفلا سؤيله شي (موصاحيبه)
اوستاد تام جهانگيروفلا سؤيله شي (موصاحيبه)
جئري نيوز: اوستاد اؤزونوزو تانتيتديرارسينيزمي؟
تام: من تام رامييو سيچانگيروف 1978سيچقان ايلينده دونيايا ميياو دئييب ايللر بويودور جيزما- قارا ساحه سينده چيخارتماقدايام.
جئري نيوز: اوستاد! رامييو آدي بيزه غريبه گلدي بونو داها اؤنجه هئچ ائشيتمه ميشديك آچيقلايا بيلرسينيزمي؟
تام: رامييو منيم تاخما آديم دير آنجاق باشا وئرن بير اولايدان سونرا "پيشيكلر درنگي" رامين آديني منيم اوچون اويغون گؤردو.
جئري نيوز: ماويلداديغينيز اولاي نه ايدي؟
تام: فاضيلابلارين بيرينده ، بيز و سيچانلارين آراسيندا آغير بير توققوشما چيخدي بونون سونوجوندا نئچه پيشيك جانيني الدن وئردي. بونا گؤره، "پيشكلر درنگي" نين قراري ايله ، من اؤزومه بومبا باغلاياراق سيچانلارين آراسينا گئديب انتيحاري عمليات ياپمالي اولدوم. من مهمات آمبارينا گئتديم آنجاق اوردا بئليمه باغلاماق اوچون بومبا تاپمايينجا آياغيما مين باغلاديم.
جئري نيوز: هه! سونرا نه اولدو؟
تام: هئچ !! آياغيمي ائشيگه قويونجا ، بووووومببببب...
جئري نيوز: سيزين باشينيزا نه گلدي؟
تام: هئچ!! پوخ كيمي داغيلديم.
جئري نيوز: آمما اوستاد سيز ايندي بوردا اوتوروب ماويلداماقداسينيز؟ بو نئجه اولا بيلر؟
تام: دوغرو! آنجاق يولداش پيشيكلر، امك صرف ائده رك مني خالقين اوست – باشيندان تميزله ييب ياپما (ياببا) ياپيب گون قاباغيندا قوروداراق يئني حيات منه بخش ائتديلر. منه رامييو تاخما آدي يئرينه رامين آدي وئريلمه سي ائله بو تاريخدن باشلايير.
جئري نيوز: سوي آدينيز جهانگيروف دور يوخسا سيچانگيروف؟
تام: بو آدلارين ايكيسيده بير آنلام داشيير . گوونليك ندنلرينه گؤره چوخراق جهانگيروف آديني قوللانيرام.
جئري نيوز: سيز پوليتيكا (سياست) ايله ده اوغراشيرسينيزمي؟
تام: مييو! من دونيادا اولان توم توربالارا باشيمي سوخارام و پوليتكا دا بو قونودان قيراق دئييل. سووئتلر بيرليگي نين چؤكوشونده منيم ياخين يولداشيم اولان يولداش گربه چوف مندن ايسته دي اونون يانينا گئديب بو فاجعه نين قارشيسيني آلماقدا اونا يارديمجي اولام .آنجاق چاتديغيمدا سووئتلر پارام – پاراچا اولموشدو. يولداش گربه چوف منيم پراگراملاريمي گؤرونجه : " اوف به تام! سن داها كيمسن ؟ كئشگه بير آز تئز گله يدين " دئدي. بونو دا قئيد ائتملي يم سوي آديمدا اولان " اوف " بو گؤروشون سونوجودور.
البته سووئتلرين داغيلديغينا باخماياراق من يئنه باش پيشيك قارال ميياوين يانداشلاريني هئچ واخت يالقيز بوراخماييب يئري گلنده اونلارين يارديملارينا قوشورام.
جئري نيوز: پيشيكلر تاريخينه گؤره فيكرلرينيز ندير؟
تام: پيشكلرين تاريخينه گؤره بير شئيلريازيليب كي سيز بوردان اوخويا بيلرسيينيز آنجاق يازارين بعضي آنتي پيشيك آخيملارا باغلي اولدوغوندان، تاريخ بويو پيشيكلرين نه قدر باشماق تايي ايله ايشكنجه اولدوغونون اوستوندن كئچيبدير، هر حالدا پيشكلره گؤره ييغجام بير تاريخ ساييلا بيلر.
جئري نيوز: سيزين خريطه يه بنزه ديگينيزي سؤيله ييرلر!
تام: خئيير بو اصلن دوز دئييل بلكه تام ترسينه خريطه منه بنزه يير. بيز پيشكلر دونيانين ان تميز، ان دورو، ان آري سويلاريندان ساييليريق . بونو بوتون دونيا اونايلايير (تصديق ائدير). اؤلكه ميز، دونيادا پيشيگي ايله اون (شؤهرت) قازانماييب مي؟ بو اؤلكه بيزيمدير!! بو اؤلكه ده ياشايان بوتون حئيوانلار بونو بيلمه لي و اؤز پيشيك سويلارينا قايتمالي ديرلار!!
جئري نيوز: اوستاد بونا فاشيزيم دئمزلرمي؟
تام (اؤفكه لي) : خئير!! بو فاشيزيم دئييل بونا پيشيزيم دئييلير و تام بير پيشيكانه مكتب دير. دئديگيم كيمي پيشيك دونيانين ان نجيب و سويلو حئيواني دير و بيز باشقا حئيوانلاري پيشكلشديرمكله اونلارا بؤيوك بير خيدمتده بولوناجاغيق.
جئري نيوز: اوستاد چوخلاري پيشيك ديلي نين ناقص اولدوغونو ايره لي سورورلر سيز نه دئييرسينيز؟
تام: پيشيكجه دونيانين ان موكممل ديلي ساييلير آنجاق يازيقلار اولسون تاريخ بويو پيشكلره اولان باسقيلار سونوجوندا بو ديلدن يالنيز بئش – آلتي سؤزجوك قاليب .
جئري نيوز : اوستاد بو سؤزجوكلري آنلاملاري ايله آچيقلايا بيلرسنيزمي؟
تام: بيزيم اصيل سؤزجوكلرميزدن بونلاري سايماق اولار:
پيش – پيش : گل
پيشته : گئت
ميياو: سالام
مييو : هه
ماويلداماق : دئمك ، دانيشماق
ميرروو: عشق
ماووووو- ماوووو : سني سئويرم
البته پيشيستانيميز ، اسكي سؤزجوكلريميزه سؤيكه نرك يئني سؤزجوكلر تؤرتمــــــــه يي و پيشيكجــــه ني گليشديرمه يي باشاريب اوميد ائديلير بو چاليشمالارين سونوجوندا ديلميز ائورنسل بير ديله دؤنوشه.
جئري نيوز: يئني سؤزجوكلرينيزدن اؤرنكلر وئره بيلرسينيزمي؟
تام: مييو! چيخارديلان سؤزجوكلرين بير نئچه سيني آنلاملاري ايله بيرگه سيزه سونورام:
پيشرو : آيدين ، ضيالي پيشيك
پوشه : پيشكلرين پرونده سي
پيشينه : پيشيك تاريخي
پيشه : اوغورلوق ، پيشيك لرين ايشي
پيشآمد : ايدرار ، ايشه مك
پيشگو : ديل
پشتگو : ...ؤت
پشكل : خوشگل ، گؤزل . پشكل پيشيك : گؤزل پيشيك
پشه : پيشيك لرين مينيك اوچاغي (طياره)
پشيز: پيشيك لرين پولو
پيشاب : پيشيكلرين ايچكيسي (نوشابه سي)
پيشكش : پيشكلرين روشوتي
پشمك : پيشيك ساققالی
پوشک : پیشیک شالواری
پشتي : يولداش ، يارديمجي
پيشوند: قوهوم ، اقربا
پيشاني : باشماق تايي ده ين يئر
.......
جئري نيوز: يئني سؤزجوكلرينيزله جيزما- قارا ياراديليبدير مي؟
تام : مييو! يئني سؤزجوكلرله جيزما- قارا ياردانلارين باشدا گلني ائله اؤزومم . اؤرنك اوچون بو جيزما – قاراما اؤزن گؤسترين:
چاک چاک چیراچاک چیکچارا چارا چاک
هور هور مرههور مرههره هوره هور
وای وای واوای وییواوا ویوا وای
( آرديني توالئتيمده اوخويا بيلرسينيز)
جئري نيوز: اوستاد! جيزما- قارا عالمينده ياشاديغينيز شيرين خاطيره لردن تعريف ائده بيلرسينيزمي؟
تام: مييو، مييو! بير گون مني جيزما- قارا گيرله دي. تئز اؤزومو گئنل تووالئتلرين بيرينه چاتديريب جيزما- قاراني چيخارتماق اوچون زور وئرمه يه باشلاديم. بيردن يان تووالئتدن بيريسي نين سسيني ائشتديم
- " نئيله ييرسن ؟"
بير آز هويوخدوم تووالئتده بئله سؤزلري سوروشمازلار آنجاق اؤزومو ساخلاماييب:
-" هئچ! جيزما- قارا چيخارتماقدايام يولداش! " دئديم
- " ايشين نه واخت بيته جك "
- " بللي دئييل زور ايشدير مومكوندور بير ايكي ساعات چكه !"
بو آندا كيشي حيرسلي حيرسلي :
- " سئوگيليم ، تئلفونو قاپاتمالي يام ؛ يانداكي توولئتده بير آخماق وار ، سندن نه سوروشورام او جاواب وئرير " دئدي.
جئري نيوز : اوستاد بيز بوردا سؤيله شيميزين بيرينجي بؤلومونوبيتيريريك . دانيشيغميزين سوندا سيزدن ايسته ييريك سون جيزما – قارالارينيزدان بيريني بيزيم اوچون ماويلداياسينيز.
تام: دوزونو ايسته سه نيز هله الده يئني جيزما- قارام يوخدور ايسته سه نيز بير آز سيزه زيرنا چاليم.
جئري نيوز: تشكور ائديريك اوستاد ! بويورون زيرنا چالماغينيزا باشلايين!!
جئري نيوز: زيرنانين سسيني بو تئزليكده ائشيده جكسينيز. هله ليك
