تامسیز
تامسیز
تام، تام دا زامانیندا تمامن پوخا دؤندو
اودلار یانار آنجاق نه چابوک قاشقاباغین‌دان او دا سؤندو
تامسیز اولا بیلمز تاماشا تام گره-ییر تام‌لی آشا توتدو گتیردی
باغلاندی پیچاق الده دایاندیق بئله رنگ‌لر ده سولوب رنگی ایتیردی
بیردن اوتوروب دوردو یاتیب اؤلدو قوجالدی
ایشدن ایشه آشدیردی آشیب یاشین اوجالدی
چاب چاب چابالاندی چالدی سیندیردی قاریشدی
ایشلر ایشی آشتی چاشدی آشکارجا چالیشتی
بئنزین‌لری تؤکدوک باشینا فنده-یی ووردوق اودو آچدیق
اودلار نیه گول-بولبول اولوب سؤندو گؤرن دئییبده قاچدیق
قاچ قاچ دئیه‌رک دالیمجا باخدیم قاچاغین‌دان
گول‌لر تیکان اولدو باتدی تام حضرتی‌نین یانبوجاغین‌دان
بیردن گؤرونور اصحابی کهفین داشی سیندی
تام دیغیللانیب گلدی ده-ییب تام باشی سیندی
ایسفه‌حلی مفیک قاشقورا سانتوک قالاسین‌دان
سس گلدی تامین چیخدی روحو جانیوواسین‌دان
سس چیخدی، هارای قوپدو، گؤیه فیشقا‌لار اسدی
ساققا‌لی حاجی شاببا قولاق اوغلونو ازدی
ساغ‌لیق اوچور`ئ جان تلسیر گؤیده‌دی روح‌لار
شن‌لیک نه شیرین‌دیر قالیر عالم‌دکی نوح‌لار
آنجاق نه چابوق بو باشلانمیش اولان فیلیم توکندی. الحق بو بؤلومده یئنه ده بو جئری اولدو کی تامی یندی.
