ياخشيليغا...
ياخشيليغا...
دوكتور جئري
شئعرینی یازدیم
رسمینی چیزدیم
هئیکلینی یوندوم
پلتكليگينه سسیمی قاتدیم
ماهنیني یاراتدیم
یولسوزلوغونا يول دوزلتدیم
کئچمیشينه تاريخ
گله جگينه كؤرپو
باريناجاغينا ائو.
قوربان كسديريم ديلسيزليگينه
ديليمي
قانسيز ايدين
جان سيز ايدين
قانيمي
جانيمي وئرديم اوغرونا
توپراغيني ياراتديم
بايراغيني ياراتديم.
ايشده
وارسيزام
يوخسولام
باشماق تاييم بئله قالمادي
سانا سونماغا پيشيك!
ايندي من ميياو .
حيكايه لريميزي بيلمه ديك ؛ موللانصرالدينين باشينا گلن اويون باشيميزا گلدي
آجيخميش موللا ، چؤركجي دن بير چؤرك آليب آغاجين كؤلگه سينده يئمگه باشلاينجا هارا لاردان بیر پیشیک تاپیلیب یازیق- یازیق ماویلاداماغا باشلادی. موللا تیکه نی آغزیندان قایتاریب پیشیگین قاباغینا آتدی. پیشیک تیکه نی گؤيده قاپاراق ايچري اؤتوردو. بونون آردينجا، موللا يئنه چؤركدن قوپارديب آغزينا آپاردي ؛يئنه پيشيك ماويلدادي؛ يئنه موللا تيكه ني پيشيگه آتدي . بو اولاي نئچه كز تيكرار اولونجا موللا يورولوب چؤره گين بوتونونو پيشيگين قاباغينا قويوب دئدي: " ايندي من ميياو ".
