پای
پای
یازان :باشماق تایی
اشی! اینسان اوول اؤزون ساتار سونرا باشقالارین.
سنین بو پای وئرمه یینین نئچه دنه سببی وار.
1- من قوزئی آزربایجانا گئدنده ،آزربایجان سر حددینده هی منه دئییردیلر حرمت ائت ،حرمت ائت.منیمده ایلک دفعه اولاراق دولانماغا گئدیردیم. بیلمه ییردیم حرمت نه دیر؟سونرا حرمت دئینده دئدیم قارداشلار منیم سیزه حرمتیم وار. سونرا بیلدیم کی اشی بونلار ریشوه ایسته ییللر.مغان طرفلرینده بیر یولداشیمین هر نه یی واریدی بیزده اؤزه چیخاردیب دوستلارینا دئییردیک. یانی پاسین آچیردیق ،بو یولداشیم بیزی ناهارا چاغیریب ، هره میزه بیر پئنجک وئردی. دئدی :بونو سیزه پای وئریرم. بیز او پایی آلدیق .سونرا هاردا دوستومدان بیر سؤز دئینده ،پئنجه یی چالیردی باشیمیزا، سیزه پئنجک پای وئرمیشم دئییردی. سونرا بیلدیک کی او پئنجک ریشوه یمیش بیزه وئرمیشیمیش. اشی اینانا بیلمه ییرم بو نییتین اولا.بیز ریشوه آلماریق.اؤزووه لازیمدیر.
2- دوشمن دوشمنه پای وئرمز،سنین بو پاییندا بیر سبب وار،آخی پیشیکلریله ،سیچانلار نئجه دوست اولا بیلرلر.یوزه -یوز،او بادیمجانا زهر قاتمیسان کی بیز یئیندن سونرا باشیمیزی یئره قویوب قالخمایاق،سنده راحاتچیلیقلا ایشینده اولاسان.مئشه تام بیز اؤزوموز قدیمچی سیاستچییک،ستارخان بابامیزیدا پای وئرمه یه ،چکدیلر تهرانا،گؤزلده پایین وئردیلر.ایسته ینده بیر سیاسی قتل ائدسن اؤزوندن گرک ایز قویمایاسان.
بئله گؤردوم کی سنین یارالارین دریندی،.اوچ نفرین یاراسی ،بیر نفرین یاراسیندان درین اولار.قارداش ائله او بادیمجانی قایتاردیق اؤزونه ،اؤزونه لازیمدیر.یاشا پایینداندا.
3-بونودا دؤشنمک اولار کی ،سن بیزیم الیمیزدن بئزمیسن،ایسته ییرسن اینتیحار ائدسن، نه سه سنده او چیخار یوخدور.یانی قورخورسان.بو گوجلو سیلاحی بیزه پای وئریرسن کی پیشیکلری بونلا یاخشی اؤلدورمک اولار.یانی ایشکنجه ده پیشیکلردن اعتراف آلماق ایچین بو یئترلیدیر.نئجه کی سندن اعتراف آلدیق.کاش بونو تئز بیزه دئیردین ،سندن اعتراف آلماقدا بونو اوستونده آزمایش ائدردیک.یاشا دوغروداندا یاشامالیسان.
شعريمي ده گؤزله
