بايرام قوناقلاري
جيزما قاراچي : دوكتور جئري
ترکان پارسی گوی (۱)
غئیرتیندن قورخور
بیج شئعیرینی کورتاژ ائدیر
تبریزه گلير
شاعير
یازی گتیر
آغ قویونلو !
قارا قویونلو !
آلپ دان ائن آشاغی
یونجالار دیزدن یوخاری
ساوالاندا یایلاق ائله
اوتلا منی
یاغیش یاغیر سیز- سیز
یویونور تبریز
ساعات قاباغی
تر-تمیز
آسفالتا قیغلا منی..
تركان پارسي گوي (۲)
قاریشقالارین جومهوریسینه سو باغلاياردين
میلچکلرین سئویشمه سی چكيب اوزاداردين
چکیرگه لری قلیانا آليشديراردين
گئت یالانچی شاعیر!
قوشلار بئله کوسوبلر سندن
سئرچه چیرپینمیر اورگینده
کهلیگین آزیب
شئعرینی نئجه اوخویاجاقسان
تئهرانا گئدن اوتوبوسدا..
