اوستاد تام جهانگیروفون روحو ایله سؤيله شي (مصاحيبه)
اوستاد تام جهانگیروفون روحو ایله سؤيله شي (مصاحيبه)
جئري نيوز: اوستاد تام جهانگيروفون روحو ، سؤيله شيميزه كئچمه دن اؤنجه سورمالي يام سيز كؤتو روح دئييلسينيز ؟ دئييلنلره گؤره كؤتو روحلار تهلوكه لي اولار و دوزونو ايسته سه نيز من بير آز قورخورام...
تامروح : قورخولاجاق بير شئي يوخ ! من گوندوزلري ياخشي روح اولورام...
جئري نيوز: اوستاد ، سيز دؤرد – بئش بولبولو بير يئرده يئميش كيمي چهچه ووروب اؤتوردونوز. بيردن بيره سيزه نه اولدو. سودوك كيمي یئره باتیب يوخ اولدونوز . نئجه اؤلدويونوزو آچيقلايا بيلرسنيزمي ؟ بو دونيادا هله سيزين اؤلومونوزن گيزي چؤزلمه ميش قاليب؟
تامروح: پشيكلرين آشقالقابيلاردا شام آراماق واختي ايدي؛ آخشام ايدي. خيابانلاردا سوموسونوردوم. گئنل تووالئتلرين قاباغيندا بيردن مني جيزما- قارا گيرله دي. ايچريه گيرمك ايسته ديگيمده بير سيچان ديشارييا چيخدي. بيردن اورگيمدن بو سيچاني ساريماق كئچدي. باشلاديم اونو يانسيلاماغا . آمما تاسفله سانكي سيچانين شوخلوغا تاب يوخويدو، آتلانيب اوستومه بوغازيمدان توتدو. ( تامروح آغلايير....). تووالئتين كامئراسيندا بو اولاي اولدوغو كيمي چكيليب. گئديب باخابيلرسينيز.
جئري نيوز: اوستاد جانينیز گ...تونونوزدن چيخاندا نه حال سيزه ال وئردي؟
تامروح:سيچان بوغازمي سيخينجا بيردن بيره ناقافيل گاز کیمی اولدوم. سس سورعتي ايله اويان – بويانا دَييرديم. اوچ گونلوك چيرپينتيدان سونرا سولوقدان دوشوب اؤلدويومو آنلاديم.
جئري نيوز: ايندي سيز هارداسانيز جنت ده يوخسا جهنمده؟
تامروح: حئساب – كيتابدان سونرا آنلاشيلدي منيم سئرچه لري يئمه سوچوملا ، سيچانلارا آغيز آچديغيم خئير ايش ائشيت دير. اونا گؤره من هم جهنمده اولورام همده جنتده.
جئري نيوز: او دونيادا گؤرَوينيز نه دير؟
تامروح: تووالئتلرين باشقاني اولموشام.
جئري نيوز: هانكسيندا چاليشماق قولايدير؟ راحات دير؟
تامروح: جنتين تووالئتي ، باشماق تايي كيمي منه ياپيشير . چوخ ياخشي دير. آنجاق جهنمده سودوكلر و پوخلار اصفهانين ذوب آهني كيمي مني يانديريب ياخير... چوخ عذاب چكيرم. بيغلاريم بوتون اوتولوب....
جئري نيوز: اوستاد چوخلاری دئييرلر ؛ ياخشي كي سيز اؤلدونوز چون اوزونوزون سويو تؤكولموشدو..
تامروح : خئيير بو اصلن دوغرو دئييل. بو منيم دوست پالتاري گئيميش دوشمانلاريمين سؤزدور. من حياتدا اولاندا گونده اللي نفر گليب پيتراقليقدا اوزومه توپوره ردي . من چوخدا اوزو سولو بيريسي ايديم...( اوستاد يئنه آغلايير...) من اؤلموشم بئله قدريمي بيلن يوخدو... واي اولسون سيزلره...هاني سيز اؤلوسئون ايدينيز... آاااااي...آماااااااااان.....ه ه ه .........
جئري نيوز : سايقيلي اوخوجولار تاسفله اوستادين روحو آغلاديقجا يوخلاشيب سؤيله شيميزي ياريمچيق قويدو. بيرداها اوستادين روحو ايله بولوشونجايا قدر خوشجا قالين
