" سوس " - ا یانیت:
جیزما- قارانین آوانگارد پیشیگی : تام - ین سون شکیلی
" سوس " - ا یانیت:
تام! گئت گئده بؤيوك بابان ؛ نهنگ پيشيگه اوخشاماقداسان ؛ يالنيز بير قرقينيز وار. نهنگ پيشيك يوموروقلا باشقالاريني سوسدور آنجاق سن يوخ. سن بير جئنتئلمن پيشيك كيمي دوداقلارين بوزوب گؤزلريني سؤزدوره رك : " سوس " دئييرسن؛. " سوس " دئينده بيليرسنمي نه قدر چكيجي اولورسان!؟..
تام! "سوس " دئمه ييني سئوديم آمما بولون – سولون يابانجي سؤزجوكلري ايشلتمه ني يوخ . ائله بيل شيخ نصراله فيرنگيستاندان گليب. شيخ نصرالهي تانيرسان اؤيله دئييلمي ؟( سانیرام سنده شيخ تام اله سان).
تام ! سن فرقلي بير پيشيك سن. اسكي پيشكلره " پوخوزدرماندير " دئيينجه تئز سيچديقلاري نين اوستونو باسديرديلار . آنجاق سن چوخ مؤدئرن بيريسي سن! سن پوخونا شيفره قويورسان. آرتيق كيمسه اونا توخونا بيلمز! آياق باسا بيلمز! بونونلا ، سن ايسته ديگين واختلار سيچديقلاري نين سوراغينا گئديب شيفره سيني چؤزه رك تامسينا – تامسينا تامينا باخابيليرسن تام !
"سوس" دئميشدين . تام! اينصاف ائله ؛ من سكسن ايلدن چوخدور سوسموشام آمما بونلا بئله ايت ، پيشيك و قارغا ديليني ياخشي بيليرم. تام! من آنلاماديم پيشيكجه نين آزاد اولدغونا باخماياراق سندن ندن هردن قارغا ديليجه قونوشورسان؟ باشقالاريني آلداتماق مي ايسته ييرسن؟ يوخسا بودا شيخ تام اله – اين يئني اويونودور؟
تام! سنين بو يئني چيخارتديغين، مَشَدي عيبادين: " من تاريخ –ي نادير، كيتابيني يارياجان اوخموشام بيلميرم سن نه دئييرسن . بو يازيقلار هاردان بيلسينلر؟" سؤزونو منه خاطيرلاتير. آنجاق تام سنين سؤزلرين دن كيمسه نين باش چيخارماماغينين ندني بيلرسنمي ندير؟ چونكو سن سوزجوكلرين سومبولونو اوغورلایب يانيندا ساخلاميشسان. البته بو سومبوللرله كيمسه ماراقلانمير ساخلا پايين اولسون .
تام ! بيلرسنمي ندن اسكي زامانلاردا، مينلر آل – الوان ، گؤزل گؤيجك باليقلارين ايچيندن ان چيركيني ياني خيرداجا قارا باليق ، پيشيك باليقلارينا مئيدان اوخودو؟ بو سورونون يانينتي بيلسن ، يئني چاغدا حئيوانلارين ان چركيني ساييلان جئري نين پيشيكلره قارشي چيخديغينين ندنيني آنلاياجاقسان.
آنلاق اولسا اگر....
منه دينمه، سوس دئييرسن، نه واختاجان سوساجام،
بوهرانلارين، هيجرانلارين، محبسینده قالاجام؟
نييه سوسوم، قونوشماييم، اينسانليقدا پاييم وار،
منيم آنا واتانيمدير تالان اولان بو دييار.
