ساري جيغير
"دبیليو . سي وارسا ،من دوشونورم"
اوستاد تام
توالئتسال جيزما- قارانين اؤنجوللريندن بيري اوستاد تام اولوب . اوستاد تام ، آياق يولولارداكي جيزما ـ قارالارين يوخ اولما تهلوكه سيني گؤز اؤنونه آلديغيندان اؤزونده سوروملولوق دوياراق ساغ - سول آياغيني دوشونمه دن باشي اوسته آياق يولولارا آياق باسيب ايللرجه امك و زور صرف ائده رك ديوارلارداكي جيزما - قارالاري كلاسه ائتمه يه باشلاميشدير. اوستاد تامين چاليشمالاري سونوجوندا ،ساري جيغير دؤورونو دبيليو.سي جيزما- قاراسيندا باشلاتميشدير. ساري جيغير ايستيلي نين چيچكلنمه سي ايله دبيليو .سي لرين گيريش حاققي ۲۵ تومندن ۵۰ تومنه يوكسلميشدير. اوستاد تامين چيخارديغي بؤيوك ايشين دگري ايچريده آنلاشيلماسادا ، ۲۰۰۹ نجي ايلده دونياليق دبيليو. سي جيزما-قاراسي نين آلتين آفتافا اؤدولونه لاييق گؤرونموشدور. اوستاد تامين فيكرينجه دبيليو.سي لر دوشونجه اوتاقلاريدير . بو گونلر اوستاد اؤز دوشونجه اوتاغينا قاپيلاراق يئني جيزما- قارالار چيخارتماغا مشغول دور . بوردا اونون نئجه دگرلي جيزما- قاراسيني بيرگه اوخويوروق:
لوطفن جيزما- قارالاري اوخوماميشدان قاباق ماسكلارينيزي اوزونوزه تاخين.
۱
بو شهرده نه باش وئريب،
آنلاميرام!!!
هامي بورنونو توتور!
(اوستاد بو جيزما- قارانی یازاندا ۴۰ گون دبیلیو.سی دن ائشيگه چيخماميشدي)
۲
يولوموز يوخ!
هئچ بير چارهميز قالمادي
پيس گونلرين اييسي
بوغاجاق بيزي
يئنيدن يوماق لازيمدير
بو شهري!
(اوستاد حاماما گئدندن سونرا دئديگي ايي شهردن كسيلدي)
۳
ساري سارييا ساريلدي
ساري سسلر قارالدي
قارا قارايا دولدو
قارا قويويا تؤکولدو
بو شهرين چيرکابيندا
سيچانلار حؤکمداردي
(بو جيزما - قارادا اوستاد جناس صنعتيندن فايدالانيب / سيچان )
۴
مني قينامايين!
مني دانلامايين!
باشيمين اييسيني وئرمک ايستهميرم
نهسه باش وئريب
کيمسه اؤغورلاييبدير
بو شهرين آفتافاسيني
(اوستاد شيكسته نفس ليك ائتمه يين قيزيل آفتافا سيزين يانينيزدادير)
۵
باشيمدان يئکه دانيشماق ايستمرم
بير تکليفيم وار
من دئييرم
يالنيز و يالنيز
چوخالتماليييق
بو شهرين توالئتلريني
(اوستاد بو جيزما- قاراني دبيليو- سي لرين گيريش حاققي ۲۵ تومندن ۵۰ تومنه يوكسه لنده چيخارديب)
۶
آچيرام
اوتورورام
گئديرم
چوخ اوزاقلارا
ايچيمده نه وار
بوشالديرام
اوخ هئي!
راحات اولدوم
بو شهري بوشالديم
باغلاييرام
دورورام
گئديرم
----------
(شرح سيز)
۷
ائروتيک سايتلاري فيلتئر ائتسهلر ده،
تووالئتدهکي چيلپاق شکيللره
دويونجاق باخا بيلرسيز…!
(بو اوستادين نقاشليق صنعتيندن باش چيخارتديغيني گؤسترير)
۸
ادبياتيميزا آفتافا گؤتورمهييم دئيه
تووالئته آفتافاسيز گئتديم
(اوستاد هله قيزيل آفتافا آلماميشدي بو جيزما - قاراني چيخارداندا)
۹
تووالئتده اَيلشرکن
بير گيله سيقارئت آليشديريب چکمهيين
باشقا عالمي وار
(اوستاد لوطفن ساغليغينيزي قورويون توالئتلره يازيغنيز گلسين سيقارئت چكمه يين سالاطان توتارسينيز)
۱۰
شيرلر کپنکلري سئوميرلر
ايلانلار عوصيان ائدهجکلر تووالئتده
اوچاجاقلار آغ قانادلي کپنکلر
(جيزما - قارا صنعتينين اووجو)
۱۱
هر نهيين ايچينه آفتافا گؤتوردون
قورخما
زور وئر
بوراسي تووالئتدير
هئچ اولماسا سيچيرسانسا بورا سيچ
( اوستاد توالئت سيراسيندا داياناركن يازيب)
۱۲
پوخونو گؤتونده ساخلايا بيلمير
منه تووالئتدن يازماماغي تکليف ائدير
(اوستاد توالئت چئزما - قاراسيني بيلمه ينلره حيرصله نركن يازييب)
۱۳
حؤرمتلی جینابلار!
او قدر باشینیزین اییسینی وئردینیز کی،
توالئتلرده بورونلارین توتدولار!
(بو جيزما - قارادان اوستادين ايرادتي توالئته بللي اولور)
۱۴
میصراعلاریمین پوخلو- پلش اولدوغونا
انگینیز قیفیللاماسین!
یوخسا داها ایستهدیینیز یئره
سیچا بیلمزسیز!
(بو جيزما - قاراني چيخارداندا اوستادين پوخو قانينا قاريشيب برك حيرسلي ايميش)
۱۵
دونیایا سیچماقدان واخت تاپمایانلار!
واختینیز اولسا
توالئتلره ده
بیر باش چکین!
(اوستاد بو جيزما- قاراني دونياليق آلتين آفتافا اؤدولونو آلاركن چيخارميش)
۱۶
بوراسی دبلیوسی
دیسکینمهیه هئچ بیر سبب یوخدور!
مسأله سیچماقدا دئییل
مسأله سیچماقلارین اوستونو آچماقدیر!
یئنی واریانتلارینیز وارسا
بویورون بوراسی دبلیوسی
بوراسی باتان سسلرین سون سسی!
-
(بو جيزما قارا ساري جيغيرين مانفيستي دير)
بوردا يازيميزي اوستاد تامين بير قيصار سؤزو ايله بيتيريب گلن فورصتلرده يئنه اوستادي دوشونجه اوتاغيندا ياخالاييب يئني جيزما - قارالاريني حضورونوزا سوناجاييق.
چوخ سئوديگيمدن آياق يالين گئديرم توالئته
جیزما- قارالارین فاضلابی:
http://pitraq.blogfa.com/cat-10.aspx
